Segundo o informe emitido polo Observatorio de Violencia de Xénero, durante o primeiro trimestre de 2018, os órganos xudiciais españois ditaron un total de 12.975 sentenzas penais no ámbito da violencia de xénero, das que o 68,5% (8892) foron condenatorias, o que supón un incremento de 2,3 puntos respecto das sentenzas condenatorias ditadas no mesmo trimestre de 2017, que representaron un 66,2% do total.

A presidenta do Observatorio resaltou o incremento das condenas e das medidas de protección a mulleres e menores e mostrou a súa confianza nos efectos positivos das medidas do Pacto de Estado. Aínda así, case 38.000 mulleres figuran como vítimas de violencia de xénero neste primeiro trimestre de 2018, un 0,5% menos que o ano anterior. 


Fonte: CGAE